УД СКЪУИЙЫН

1. Мæлын.

Афтæ тагъд аскъуийæд уе знаджы уд, цас мæ ныхасæн йæ кæрон тагъд уа. (Гайты Е. Хæхты цин.)

2. Бирæ фыдæбон кæнын.

– Дæ уд аскъуыд дæ сывæллæттæн хор хæссынæй. – Уый бæсты дæ пъирийыл æрхæц (Бибо Музианæн). (Букуылты А. Зарæг баззад цæргæйæ.)

Æз дæр мæ уд куыд нæ æрбаскъуыдтон. Цалцæггæнæн æрмæджыты тыххæй кæмæн лæгъстæ кæнын хъуыд, кæмæн уæлдай æхца дæттын, уæддæр æй мæ уды фæндиаг сцалцæг кодтон. (Гуыцмæзты М. Лæг æмæ ус.)

3. Искæмæн исты уырнын кæнын.

Ус йæ уд скъуыдта... æхцатæ уый кæй сты æмæ йын сæ цæмæй раттой. (Гаглойты В. Дæ амонды тыххæй.)